Միասին վերականգնենք տասնամյակներ չմշակված վարելահողերը 2022-06-28   1510     back to armenian

Շիրակի դաշտավայրը դարեր շարունակ հայ ժողովրդի համար եղել է Հացի շտեմարան։ Սակայն ներկայումս մարզի հատկապես անջրդի և սահմանային վարելահողերի գրեթե կեսը տարիներ շարունակ  չի մշակվում։

Տասնամյակներ չմշակելու պատճառով   դաշտերը ճիմակալվել են և պատված են քարերով։ Նման վարելահողերի վերականգնումն ու մշակումը բավականին ծախսատար է։ Առնվազն առաջին երկու տարիներին նման վարելահողերց հնարավոր չէ եկամուտ ստանալ։ Այդ պատճառով  սոցիալապես անապահով պայմաններում բնակվող գյուղացիները չեն կարող առանց աջակցության վերականգնել այդպիսի՝ վաղուց չմշակված վարելահողերը։

Այդ իսկ նպատակով  «Շիրակ կենտրոնը» նախաձեռնում է  տարիներով չմշակված վարելահողերի վերականգնման և մշակման ծրագիր։ Նախորդ տարիներին արդեն իսկ մոտ 20 հեկտար վարելահողի վրա սկսել ենք հացահատիկի մշակման աշխատանքներ, որից 5 հեկտար վարելահող էլ ճիմից և քարից մաքրվել է, կատարվել են վար, կուլտիվացիա և վերադարձվել են սահմանային գյուղում բնակվող սեփականատերերին։

Մեր այս՝ նոր բարեգործական գյուղատնտեսական ծրագրով նախատեսում ենք նաև խոտհունձի աշխատանքներ:  Ստացված խոտը նախատեսվում է  «Շիրակ կենտրոնի» հովանավորների կողմից նախորդ տարիներին կենդանիներ ստացած ընտանիքներին բաժանելու նպատակով,  քանի որ մեր դիտարկումները ցույց են տալիս, որ նախորդ տարիներին անանսուններ ստացած ընտանիքների մեծ մասը դժվարանում է ինքնուրույն հայթայթել  պահանջվող քանակությամբ անասնակեր։

Վերականգնված վարելահողերից ստացված բերքից նույնպես կօգտագործվի բարեգործական նպատակներով՝ որպես անասնակեր կամ սերմացու կբաժանվեն  սոցիալապես անապահով գյուղաբնակ ընտանիքներին, իսկ ցորենից ստացված ալյուրը կբաժանվի կարիքավոր ընտանիքներին։

Մեր նախորդ տարիների փորձը ցույց է տալիս, որ տարիներ չմշակված վարելահողի յուրաքանչյուր հեկտարի վերականգման և մշակման համար պահանջվում է առնվազն 600 հզար դրամ։

Դիմում ենք մեր գործընկերներին և հովանավորներին միանալու մեր այս բարեգործական նախաձեռնությանը։

Ծրագրի իրականացմանը աջակցելու նպատակով նվիրատվություններ կարող եք կատարել ներքևում նշված հաշվեհամարներից որևէ մեկին կամ առցանց (օնլայն)` shirakcentre.am վեբ կայքում տեղադրված՝  Նվիրաբերել/ DONATE հղման կոճակի միջոցով՝

https://shirakcentre.am/hy/?dodonatemodal&fbclid=IwAR0I-PMZUZTk2MrVN17NDy_xQBJIlMmJi-1MHsURkvDFCA0vE0D0hJX6e0c

 «Շիրակ կենտրոն» ՀԿ
ՀՎՀՀ՝ 05532775
Էլ. փոստ՝shirakcentre@gmail.com
Հեռ. +(374 91) 451337

Benejiciary Bank: INECOBANK CJSC, YEREVAN, ARMENIA,

SWIFT CODE: INJSAM22
AMD - 2051222035941001
EUR - 2051222035941040
RUB - 20512 22035941041
USD – 2051222035941020

 ARDSHINBANK CJSC,

GYUMRI BRANCH

S.W.I.F.T CODE: ASHB AM 22XXX 7

Gay str. GYUMRI, REPUBLIC OF ARMENIA

USA – 2472601614240020
AMD - 2472601614240000
EUR – 2472603273480000

Նախաձեռնությանն աջակցել են.

1. Շաքէ և Նարվիկ Փերեան - ԱՄՆ
2. Սերոժ և Հելեն Ղարախանեան - ԱՄՆ