Այգի նվիրենք սահմանային գյուղին 2021-09-13   2426     back to armenian

«Շիրակ կենտրոնի» նոր բարեգործական նախաձեռնությունը՝ մրգատու այգու հիմնում սահմանային գյուղում։

Հայ-թուրքական սահմանին գտնվող Բագրավան գյուղը նախկինում համարվել է հացի շտեմարան։ Սակայն խորհրդային միության փլուզումից հետո հացահատիկի դաշտերը ամբողջությամբ անջրդի են մնացել և երաշտ տարիներին ամենամեծ վնասն է կրում գյուղը։ Բագրավանը թեև գտնվում է մարզի հարավային մասում, բայց ոռոգման ջրի բացակայության պատճառով, գրեթե ամբողջովին զուրկ է մրգատու այգիներից։

Գյուղը թեև փոքր է, սակայն միայն վերջին պատերազմին մասնակցեցին տասնյակ երիտասարդներ, դժբախտաբար երիտասարդներից երեքը այլևս հետ չվերադարձան։ Վերջին երկու տարիներին «Շիրակ կենտրոնը» հովանավորների աջակցությամբ որոշակի ներդրում է կատարել գյուղում։ Փոխվել են դպրոցի տասնյակ պատուհաններն ու դռները, կառուցվել է մատուռ զոհված զինվորների հիշատակին, կառուցման փուլում է գտնվում թանգարան-հյուրատունը։

Այս պահին համարում ենք, որ խիստ անհրաժեշտություն է գյուղի ամենագեղատեսիլ վայրում, սարերի լանջին, ուր կառուցվել է մատուռը, հարևանությամբ մրգատու այգի հիմնել, որ նաև ժամանցի և հավաքի վայր կլինի գյուղի մարդկանց և հյուրերի համար, ինչը կարևոր քայլերից մեկը կլինի տուրիզմի և առհասարակ սահմանային գյուղի զարգացման ճանապարհին։

Այդ նպատակով հանդես ենք գալիս դրամահավաք կազմակերպելու նախաձեռնությամբ։ Այգին ունենալու է հին քարերից կառուցված ցածր պարիսպ, կաթիլային եղանակով ոռոգման համակարգ։ Տարածքը որը արդեն իսկ ընտրված է և նույնիսկ պարիսպների հիմքն է լցված, կարող է սկզբնական փուլում ունենալ մինչև 100 ծառ։ Նախատեսում ենք հիմնակում տնկել ծիրանի, խնձորի, տանձի  և այլ մրգատու ծառեր։

Մեր մոտավոր հաշվարկներով այգին ամբողջությամբ կառուցելու համար պահանջվող գումարի չափը կկազմի մոտ 6 միլիոն ՀՀ դրամ։ Նվիրատվություններ կատարելու  նպատակով դիմում ենք մեր գործընկերներին և բարի կամքի տեր մեր բոլոր հայրենակիցներին։

Այգի հիմնելու նախաձեռնությանը աջակցելու նպատակով նվիրատվություններ կարող եք կատարել ներքևում նշված հաշվեհամարներից որևէ մեկին կամ առցանց (օնլայն)` shirakcentre.am վեբ կայքում տեղադրված՝  Նվիրաբերել/ DONATE հղման կոճակի միջոցով՝ https://shirakcentre.am/hy/?dodonatemodal&fbclid=IwAR0I-PMZUZTk2MrVN17NDy_xQBJIlMmJi-1MHsURkvDFCA0vE0D0hJX6e0c

Բարեգործական ձեռնարկի մասին պատմող տեսանյութեր և ֆոտոռեպորտաժներ պարբերաբար կներակայացվեն սոցիալական կայքերում և shirakcentre.am կայքում:

«Շիրակ կենտրոն» ՀԿ

ՀՎՀՀ՝ 05532775

Էլ. փոստ՝shirakcentre@gmail.com

Հեռ. +(374 91) 451337, +(374 55) 066992

Benejiciary Bank: INECOBANK CJSC, YEREVAN, ARMENIA,

SWIFT CODE: INJSAM22

AMD - 2051222035941001

EUR - 2051222035941040

RUB - 20512 22035941041

USD – 2051222035941020

ARDSHINBANK CJSC,

GYUMRI BRANCH

S.W.I.F.T CODE: ASHB AM 22XXX 7

Gay str. GYUMRI, REPUBLIC OF ARMENIA

USA – 2472601614240020

AMD - 2472601614240000

EUR – 2472603273480000