«Շիրակ կենտրոնի» նոր նախաձեռնությունը՝ բարեգործական, ոչ եկամտաբեր գյուղատնտեսական աշխատանքներ 2020-06-11   3870     in english

«Շիրակ կենտրոնը» հանդես է գալիս ևս մեկ բարեգործական նախաձեռնությամբ, որը հասցեագրված է այն ընտանիքներից յուրաքանչյուրին, ում կազմակերպության գործընկերների և հովանավորների աջակցությամբ նվիրել ենք կովեր և ոչխարներ:

Մեր դիտարկումները ցույց են տալիս, որ նրանցից շատերը դժվարանում են կենդանիների համար, ձմռան ամիսներին պահանջվող քանակությամբ անասնակեր հայթհայթել: Առավել ևս այս տարի, երբ զգացվում է խոտի սղություն:

Եվ սա այն դեպքում, երբ գյուղերում, հատկապես Շիրակի մարզի սահմանային հատվածների  անջրդի հողատարածքներում, հանդիպում ենք վարելահողերի և արոտների, որոնց սեփականատերերը նույնիսկ տարիներով չեն կարողանում մշակել և անգամ քաղել վարելահողերի խոտը: Պատճառը հիմնականում նրանում է, որ անջրդի վարելահողերի մշակելու ծախսերը երբեմն գերազանցում են ստացվող եկամուտը։ Մի շարք վայրերում էլ, անգամ չմշակված վարելահողերի խոտի հնձումն ու տեղափոխումը՝ ոչ եկամտաբեր է: Կան նաև դեպքեր, երբ չմշակվող վարելահողերի սեփականատերերը արդեն երկար տարիներ բացակայում են հանրապետությունից։

Մեր այս բարեգործական նախաձեռնությամբ որոշել ենք նման հողատարածքների սեփականատերերի հետ փոխադարձ համաձայնությամբ և հովանավորների աջակցությամբ, չմշակված վարելահողերում, կազմակերպել խոտհունձի աշխատանքներ և ստացված խոտը բաժանել «Շիրակ կենտրոնի» աջակցությամբ կենդանիներ ստացած ընտանիքներին: Անհրաժեշտության դեպքում, նախատեսում ենք նաև որոշակի փոխհատուցում տրամադրել՝ գումարի կամ խոտի տեսքով, տվյալ հողատարածքների սեփականատերերին: Իսկ հնարավորության դեպքում էլ մշակել վարելահողերն ու ստացված բերքը կրկին օգտագործել նույն՝ բարեգործական նպատակով։

Փաստացի այս նախաձեռնությունը, կարելի է անվանել ոչ միայն բարեգործական, այլ նաև՝ ոչ եկամտաբեր հողագործություն։

Նաև նշենք, որ «Շիրակ կենտրոնի»՝  «Օգնենք, որպեսզի յուրաքանչյուր գյուղաբնակ ընտանիք կարողանա բարիք ստեղծել»  https://shirakcentre.am/hy/program/2020/45/, սոցիալապես անապահով, մանկահասակ երեխաներ ունեցող ընտանիքներին հասցեագրված բարեգործական ծրագրի շրջանակում, հովանավորների աջակցությամբ միայն 2020 թվականի առաջին կիսամյակում 7 ընտանիքի նվիրել ենք կովեր, մեկ ընտանիքի ոչխարներ, 2 ընտանիքի հավեր, ինչպես նաև գոմ կառուցելու համար շինանյութ, անասնակեր և սերմացու:  Իսկ նախորդ տարի՝ 2019-ին 10 ընտանիքի կովեր, մի քանի ընտանքի հավեր, ճագարներ, բադեր և այլն:

Դիմում ենք մեր գործընկերներին և կոչ անում միանալ բարեգործական նախաձեռնությանը։

Ծրագրի իրականացմանը աջակցելու նպատակով նվիրատվություններ կարող եք կատարել ներքևում նշված հաշվեհամարներից որևէ մեկին կամ առցանց (օնլայն)` shirakcentre.am վեբ կայքում տեղադրված՝  Նվիրաբերել/ DONATE հղման կոճակի միջոցով՝

https://shirakcentre.am/hy/?dodonatemodal&fbclid=IwAR0I-PMZUZTk2MrVN17NDy_xQBJIlMmJi-1MHsURkvDFCA0vE0D0hJX6e0c

ARDSHINBANK CJSC, GYUMRI BRANCH S.W.I.F.T CODE:

ASHB AM 22XXX 7 Gay str. GYUMRI,

 REPUBLIC OF ARMENIA

USA – 2472601614240020,

 AMD - 2472601614240000,

 EUR – 2472603273480000

Հասցե՝ Գյումրի, Մ. Խորենացի 50/4,

Հեռ. +(374 91) 45-13-37, +(374 55) 06-69-92

ՀՎՀՀ՝ 05532775

Նախաձեռնությանն աջակցել են.

TERCHOONIAN-USA / Herman Hintiryan/
Jack Youredjian-USA
Levon Chakmakian  - USA
Narvik and Shakeh Perian-USA
Artin Vartanian - USA