«Երիտասարդներին՝ սրճարանային բիզնեսի կառավարման, խոհարարական և սպասարկման ոլորտի հմտությունների և գիտելիքների պրակտիկ ուսուցում» 2017-04-05   1405     in english

Շիրակի մարզը և Գյումրին աղքատության և գործազրկության ցուցանիշներով,  Հայաստանում համարվում է առաջատարը:

1988-ի աղետալի երկրաշարժի հետևանքները ամբողջովին չվերացնելու, աշխատատեղերի և զբաղվածության, զարգացման բավարար ծրագրերի բացակայության պատճառով, հատկապես երիտասարդները հուսալքվում և արտագաղթում են:

 Մեր ուսումնասիրությունները ցույց են տալիս, որ Գյումրիում անգամ համատարած գործազրկության պայմաններում խնդիր է դարձել սպասարկման և խոհարարական հմտություններով օժտված մասնագետների հայտնաբերումը:

Վերոհիշյալ խնդրի լուծմանը նպաստելու, աշխատատեղերի ավելացման, երիտասարդներին հմտությունների փոխանցման նպատակով «Շիրակ կենտրոնը» Գյումրիում այսուհետև իրականացնելու է գործող շուկայում որոշակի պահանջարկ ունեցող մասնագիտությունների գծով պրակտիկ ուսուցման դասընթացների շարք:

Առաջին եռամսյա դասընթացները կիրականացվեն «Երիտասարդներին՝ սրճարանային բիզնեսի կառավարման, խոհարարական և սպասարկման ոլորտի հմտությունների և գիտելիքների պրակտիկ ուսուցում» թեմայով՝  2017 թ, ապրիլ-հունիս ամիսներին:

Անհրաժեշտ հրապարակային հատարարությամբ ապրիլի 15-ից մինչև ապրիլի 30-ը կընդունվեն դասընթացներին մասնակցելու ցանկություն հայտնած անձանց հայտերը: Դասընթացի մասնակիցները կընտրվեն համապատասխան հանձնաժողովի կողմից: Վերոհիշյալ մասնագիտության հանդեպ առավել հետաքրքրություններ և սեր ունեցող  ընտրված 20 երիտասարդները՝ շաբաթական երեք անգամ, 4 ժամ տևողությամբ կմասնակցեն պրակտիկ և տեսական  պարապմունքներին:

Դասընթացներին ուսուցանելու նպատակով կընդգրկվեն ինչպես Գյումրու տեղական և ընտանեկան խոհանոցի հմուտ վարպետ-պատրաստողներ, այնպես էլ  հայկական խոհանոցի մասնագետ-վարպետների: Փորձառու մասնագետները կհրավիրվեն նաև այլ քաղաքներից:

Ուսուցողական ծրագրերի մասնագետները պրակտիկ դասընթացներ կանցկացնեն ինչպես «Շիրակ կենտրոն» ՀԿ-ի «Շալե Գյումրի» խոհարարական սրահում, այնպես էլ այլ՝ գործող և հեղինակություն ունեցող սրճարանային սրահներում:

Դասընթացները հաջողությամբ ավարտած անձանց կտրամադրվեն վկայականներ, կստեղծվի կադրային բազա, ուր կընդգրկվեն դասընթացի շրջանավարտները՝ տեղական շուկայում համապատասխան մասնագետների պահանջարկի դեպքում նրանց կտրվեն երաշխավորագրեր:

Ամբողջական ծրագիրը կտևի 4 ամիս: Առաջին ամսվա ընթացքում կիրականացվեն նախապատրաստական աշխատանքներ, կձևավորվեն դասընթացի վարողների և մասնակիցների թիմերը, անհրաժեշտ տեխնիկական և ուսումնական բազաները:

Ուսումնական դասընթացների ծրագրի ընդանուր բյուջեն կազմում է  USD 4886$:

«Շիրակ կենտրոնի» այս ծրագիրն իրականացնելու նպատակով ընդունվում են նվիրատվություններ:

Նվիրատվություններ կատարելու և ծրագրի մասին առավել մանրամասն տեղեկությունների համար դիմել  «Շիրակ կենտրոն» ՀԿ:

Benejiciary Bank: INECOBANK CJSC, YEREVAN, ARMENIA,

SWIFT CODE: INJSAM22

AMD - 2052622035941001

EUR - 2052622035941040

RUB - 20526 22035941041

USD - 20526 22035941020

ARDSHINBANK CJSC, GYUMRI BRANCH S.W.I.F.T CODE: ASHBAM 22XXX 7

Gay str. GYUMRI, REPUBLIC OF ARMENIA

USA – 2472601614240020

AMD - 2472601614240000

EUR – 2472603273480000

«Շիրակ կենտրոն» ՀԿ

ՀՎՀՀ՝ 05532775

«Շիրակ կենտրոն» ՀԿ նախագահ՝Վահան Թումասյան

Էլ. փոստ՝shirakcentre@gmail.com

Հեռ.  +(374 91) 451337, +(374 55) 066992

Բարեգործական ծրագիրը հովանավորել են՝

Համաշխարհային բանկի Երևանի գրասենյակ- 310.000 ՀՀ դրամ

Koops Christiana- Գերմանիա, Ֆյուրտ, 800 եվրո