Ի յիշատակ Արցախեան պատերազմում զոհուած եւ անյետ կորած քաջ հայորդիների 2022-05-11   615     

Հայաստանյան այս անվերջ թվացող մղձավանջում երկու ուրախ և պատմական կոչվելու արժանի լուր ունեմ հայտնելու:

1.  Անիի մոտ, Հայ-թուրքական սահմանին գտնվող Բագրավան գյուղի մի գեղեցիկ սարի լանջին, ավելացավ մի սրբավայր: Անիի հնամենի շեների կարմիր քարերով կառուցված Սուրբ Ավետիս մատուռը, հին քարերով կառուցված ամուր պարիսպն ու այգին և առհասարակ այդ ամբողջ տարածքը այլևս պետականորեն ճանաչվել են պատմական և մշակութային նշանակութան, իսկ ամբողջ տարածքը համարվում է հատուկ պահպանվող տարածք:

Այն մեր բոլորիս ջանքերով և մեծ հայի՝ Հերմանի հովանավորությամբ կառուցվելուց հետո, նվիրաբերվել է և այսուհետ համարվում է Հայ Առաքելական Եկեղեցու սեփականությունը:

2. Առաջին հանրապետության, հայ ժողովրդի փրկության և վերածնունդի օրը, այս տարի տոնում ենք  Շիրակի մարզի Բագրավան հնամենի գյուղում։ Հայ Առաքելական եկեղեցու Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանի՝ մեր սիրելի սրբազան հոր ձեռամբ այդ օրը նախատեսվում է պաշտոնական բացման արարողությունը ՍՈՒՐԲ ԱՒԵՏԻՍ մատուռի՝ ի յիշատակ 2020 թ. Արցախեան պատերազմում զոհուած եւ անյետ կորած քաջ հայորդիների։

Մեր՝ կառուցողների,  Բագրավան համայնքի բնակիչների անունից Ձեզ՝ բոլորիդ սիրով հրավիրում ենք մասնակցելու մատուռի բացման արարողությանը։

Մեծարգո բարեկամներ կարծում եմ դեմ չեք լինի, եթե զերծ մնանք անվանական և անհատական հրավերներից։ Ուստի այս հայտարարությունը ձեզանից յուրաքանչյուրը կարող է համարել մասնակցության հրավեր։

Համոզված եմ այդ օրը՝ Մայիսի 28-ին կլինենք բոլորս միասին։

Վահան Թումասյանի ֆեյսբուքյան էջից