«Շիրակ կենտրոն». երկու ամիսներին կատարված և կատարվելիք աշխատանքների հաշվետվություն 2019-02-13   1222     

Տասնյակ ծրագրերից միայն մեկի շրջանակում, երկու ամիսներին կատարված և կարտարվելիք աշխատանքների հաշվետվություն:

Նախորդ մեկ ամսվա ընթացքում, գործընկերությամբ «Շիրակ կենտրոնի», Գյումրու անօթևան 7 ընտանիքների, արտերկրում բնակվող մեր հայրենակիցների նվիրատվություններով նվիրաբերվել է 5 հատ 3 սենյականոց և 2 հատ երկու սենյականոց նորակառույց, կոմունալ բոլոր հարմարություններով, մասամբ կահավորված բնակարաններ: Ընդհանուր առմամբ 14 երեխա և 13 մեծահասակ գյումրեցիներ դուրս եկան խարխուլ ու խոնավ կացարաններից: Երեխաներից 5-ը կացարանային վատ պայմանների պատճառով հաճախում էին գիշերօթիկ հաստատություններ և շատ շուտով նրանք կվերադառնան ընտանիք և կհաճախեն Գյումրու լավագույն դպրոցներից մեկը: Ընտանիքների մեծ մասը երկրաշարժին կորցրել էին բնակարաններ, սակայն պետության կողմից մինչև օրս չէին փոխհատուցվել, մյուսները մեծ ընտանիքներ էին և փոխհատուցվել էին մասնակի:
Մեր աջակցությամբ, նրանցից նոր բնակարան է տեղափոխվել միայն մեկ ընտանիք, արդեն քանդել ենք նրանց դոմիկը: Առաջիկա օրերին կրկին մեր աջակցությամբ նոր բնակարաններ կտեղափոխվեն մյուս 6 ընտանիքները, որից հետո սկսելու ենք քանդել նաև նրանց դոմիկները: Չմոռանամ ասել, որ քանդոցքից ստացված փայտը, որպես վառելափայտ անմիջապես բաժանում ենք դոմիկներում բնակվող ընտանիքներին:
Փաստորեն մոտ 1000 քառակուսի մետր տարածք միայն այս տարվա առաջին երկու ամիսներին կմաքրենք դոմիկներից:
Հ.Գ. Ի դեպ՝ հեշտ է ասելը, թե բնակարան նվիրաբերվեց....յուրաքանչյուր ընտանիքի ընտրության, փաստաթղթերի ստուգման և մինչև վերջնական որոշման կայացման, անհրաժեշտ բնակարանի գտնելու և գործարքի կատարման ու կահավորման, այնուհետև տնակից տեղափոխման, դոմիկի քանդման ու տարածքի մաքրման համար հսկայական ջանքեր, միջոցներ և ժամանակ է ծախսվում:

Վահան Թումասյան