«Շիրակ կենտրոնի». «Երկրաշարժի 30-ամյա տարելիցին՝ 30 տեսանյութերում անօթևան ընտանիքները» ծրագրի մասին 2019-02-02   216     

«Շիրակ կենտրոնի». «Երկրաշարժի 30-ամյա տարելիցին՝ 30 տեսանյութերում անօթևան ընտանիքները» ծրագրի մասին

Դեռևս նախորդ տարի այս օրերին, «Շիրակ կենտրոնը» 1988-ի երկրաշարժի 30-ամյա տարելիցին ընդառաջ հանդես եկավ «30 տեսանյութ դոմիկներում բնակվող ընտանիքների մասին» տեսանյութերի պատրաստման և հանրայնացման նախաձեռնությամբ:
Անկեղծ ասած այս նախաձեռնությամբ մենք բացի անօթևան ընտանիքների ապրելակերպի իրական պատկերը ներկայացնելուց նաև ակնկալում էինք կազմակերպության գործընկերների աջակցությամբ, ամբողջ տարվա ընթացքում առնվազն 30 բնակարան նվիրաբերել անօթևան ընտանիքներին: 
2018 թվականի ընթացքում, ուղղակի կազմակերպության հետ գործընկերությամբ նվիրաբերված բնակարանների թիվը չհասավ 30-ի: Նախատեսվածի կեսից անգամ մի փոքր քիչ ստացվեց: Սակայն 2019-ը կարելի ասել աննախադեպ է լինելու: Միայն այս հունվարին 4 բնակարան ենք նվիրաբերել և հուսամ նույնքան էլ առաջիկա մեկ ամսում: Անչափ շնորհակալ և երախտապարտ եմ մեր բոլոր գործընկեր կազմակերպություններին ու հովանավորներին: 
Մեր համագործակցությունը նոր թափ է հավաքում: Իսկ հովանավորների և բնակարանտեր դարձած ընտանիքների մասին, ինչպես միշտ, բնակարանների նվիրաբերմանը զուգընթաց:

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: