Հետհեղափոխական ամենակարևոր կոչերը. Վահան Թումասյան 2018-08-14   1598     

Երկարամյա դադարից հետո առաջին անգամ հանրահավաքի մասնակցելու կոչ եմ անում. 
oգոստոսի 17-ին բոլորս դեպի Հանրապետության հրապարակ: Nikol Pashinyan / Նիկոլ Փաշինյան
Մեր սիրելի վարչապետ Նիկոլ Փաշինյանը հեղափոխությունից հետո ամենակարևոր կոչերն է հնչեցնելու: Սիրտս վկայում է, որ դրանք մոտավորապես այսպիսին են լինելու.
1. Այս պահից վերջ ենք տալիս հասարակությանը հեղափոխականների ու հակահեղափոխականների բաժանելու վտանգավոր երևույթին: Ժողովուրդ, հաղթել ենք 100 օր առաջ:
2. Ամենուրեք, լինի սոցիալական կայքերում, ընտանիքում, թե փողոցում, վերջ ենք տալիս թույն ու պառակտում սերմանելուն:
3. Բոլորս՝ գործ ունեցող, թե գործազուրկ, սկում ենք աշխատել, մի պահ դուրս ենք գալիս համացանցից ու նայում ենք մեր չորսբոլորը. ամենուր աղբ է, սկսում ենք մեր սեփական դուռն ու երդիկը մաքրելուց:
4. Արտերկրի մեր բարեկամներին ու ընկերներին համոզում, խնդրում և աղաչում ենք գալ Հայաստան ու ներդրումներ անել:
5. Քաղաքներում և գյուղերում վերջ ենք տալիս տարատեսակ, այդ թվում սեքսուալ բնույթի հեղափոխություններ տարածելուն, գոնե հայտնի Փանջունու օրինակով ամբողջովին չքանդենք մեր սրբություն սրբոց հայոց գյուղերը:
6. Այս պահից նախապատրաստվում ենք գալիք ձմռանը, որպեսզի հազարավոր չքավոր ընտանիքներ շվարած չմնան սառը վառարանների կողքին և որպես վառելիքի հայթայթման վայր չընտրեն աղբանոցները, պարտադրված չկտրեն փողոցների ծառերը:
7. Երեք ամսից լրանում է 1988-ի երկրաշարժի 30-րդ տարելիցը, գնալու ենք խոնարհվելու և հարգելու անմեղ զոհերի հիշատակը, ինչպես նաև օգնության ձեռք ենք մեկնելու այն մարդկանց, որոնք 3 տասնամյակ մաքառում են կիսաքանդ դոմիկներում:
8. Ազգովի ոստիկան կամ հետախույզ չենք լինում, դատապարտելու և պատժաչափ սահմանելու գործը թողնում ենք իրավապահ մարմիններին:
9. Հայաստանում ոչ մի երեխա դպրոցից չպետք է դուրս մնա գրենական պիտույքներ և հագուստ չունենալու պատճառով, օգնելու ենք սոցիալապես անապահով ընտանիքների դպրոցահասակ երեխաներին:
10. ……………………………………
11. ......................................................