«Շիրակ կենտրոն»-ն առաջարկում է գազանանոցի տարածքում այգի կառուցել 2016-02-11   1534     

Գյումրու «Շիրակ կենտրոն» հասարակական կազմակերպությունն առաջարկ է ներկայացրել Գյումրու քաղաքապետարան: Այս մասին NewsBook-ի հետ զրույցում հայտնեց «Շիրակ կենտրոն»
Հ/Կ-ի նախագահ Վահան Թումասյանը: Վերջինս հայտնեց, որ առաջարկել են Գյումրու, այսպես կոչված, կենդանաբանական այգու տարածքում այգի կառուցել: «Դեռ քննարկման փուլում է գտնվում առաջարկը: Նախնական համաձայնությունն արդեն կա, որ «Շիրակ կենտրոն»-ի նախաձեռնությամբ գեղեցիկ այգի կառուցվի: Պետք է նշեմ, որ տարածքը նորակառույց բնակելի թաղամասին մոտ է և այգու անհրաժեշտությունը միանշանակ կա: Քաղաքապետն էլ համաձայնվել ու ասել է, որ դա լավ տարբերակ է: Հիմա սպասում ենք փաստաթղթային ձևակերպումներին, որ այդ տարածքը գեղեցիկ այգի դարձնեն»,- նշեց Վահան Թումասյանը: Վերջինս տեղեկացրեց, որ բացի այգի կառուցելուց, այլ նպատակներ էլ կան. «Ամերիկայում գնտվող շատ հայտնի գյումրեցիների հետ բանակցություններ ենք տանում, որ այգում հետաքրքիր բան ստեղծվի: Քանի որ այժմ այդ ուղղությամբ բանակցություններ են ընթանում, փակագծերը չեմ ուզում բացել»: Հաշվի առնելով, որ տարածքի մի մասը մասնավոր է, մյուս մասը համայնքապատկան տարածք է, Վահան Թումասյանը նշեց, որ եթե իրենք համայնքապատկան հատվածը վերցնեն, կարելի է բանակցություններ վարել մասնավոր տարածքի սեփանատիրոջ հետ: «Կառաջարկենք գնել այն, կամ պարզապես հետ վերադարձնել համայնքին»,- ասաց նա՝ հավելելով, որ քաղաքը շատ վաղուց մասնավորեցված է: «Այդ մասնավորեցված տարածքների 15-20 տոկոսը նույնիսկ չեն կառուցապատվել: Պարզապես նախորդ տարիներին հենց այնպես` որպես կապիտալ վերցրել են: Հատկապես Գյումրիում մի քառակուսի մետր տարածք ազատ չես գտնի: Քաղաքը ո՛չ կառուցվում է, և ո՛չ էլ բարեկարգվում»,- նկատեց նա: Նշենք, որ «Շիրակ կենտրոն»-ը բացառապես կամավորական հիմունքներով է իրականացնում իրենց ծրագրերը, և ինչպես նախորդների դեպքում, այս անգամ էլ հույս ունեն, որ իրենց նպատակին կհասնեն. «Մենք փորձ ունենք: «Շիրակ կենտրոն»-ի գեղեցիկ բակն աղբանոցում է կառուցվել, հիմա քաղաքի ամենագեղեցիկ կառույցն է» : Հիշեցնենք, որ հատկապես հեղինակավոր Daily Mail-ի հրապարակումից հետո Գյումրու կեդանաբանական այգու վերաբերյալ բազմաթիվ առաջարկներ ու նախաձեռնություններ եղան: Ավելի վաղ, «Փրկենք Գյումրու կենդանաբանական այգու կենդանիներին» նախաձեռնությունը բարձրաձայնել էր, որ Գյումրու Անի թաղամասի սկզբնամասում գտնվող կենդանաբանական այգին հայտնվել էէ ահավոր վիճակում: Ֆիանասական միջոցների բացակայության պատճառով պատճառով գազանները սոված էին մնում, մեծ խնդիր էր դարձել նաև նրանց ջրով ապահովելը: Այսօրվա դրությամբ կենդանաբականական այգին դատարկված է: Բոլոր կենդանիները այլ քաղաքների կենդանաբանական այգիներ են տեղափոխել։

Նյութի աղբյուրը ` http://newsbook.am/?76133&l=am/