Թափուր աշխատատեղի մրցույթ «Շիրակ կենտրոն» ՀԿ-ում 2012-06-27   1568

«Քաղաքական մշակույթի և համաձայնությունների զարգացման  «Շիրակ կենտոն» ՀԿ-ն հայտարարում է ծրագրի ղեկավարի օգնականի աշխատատեղի մրցույթ

Պաշտոն` ծրագրի ղեկավարի օգնական
Դրույք` լրիվ
Սկիզբ` 2012թ.  սեպտեմբերի 1
Վայր` Գյումրի, Հայաստան

Ընդհանուր նկարագիր

«Շիրակ Կենտրոնը» փնտրում է մասնագետի, որն ունի իրազեկվածություն քաղաքացիական հասարակության կառույցների գործունեության, ՏԻՄ հզորացման, Շիրակի մարզում անօթևանության և աղքատության, սոցիալ-տնտեսական իրավունքների պաշտապանության վերաբերյալ: Պատասխանատու է լինելու «Շիրակ կենտրոնի» ծրագրի շրջանակներում իրականացվող գործողությունների պլանավորման, զարգացման և իրականացման, ինչպես նաեւ  միջոցառումների համակարգման, բարեգործական միջոցառումների իրականացման և մամուլի հետ հարաբերությունների զարգացման համար:

Հիմնական պարտականություններ

.Պլանավորել, կազմակերպել և համակարգել կազմակերպության միջոցառումները

.պլանավորել և կազմակերպել հանրային մասնակցության միջոցառումներ, ներառյալ մամուլի ասուլիսներ, ցուցադրություններ, ծրագրերի շնորհանդեսներ և այլն

.ապահովել և պարբերաբար թարմացնել «Շիրակ կենտրոնի» մասին տեղեկատվությունը էլեկտրոնային լրատվամիջոցներում ու սոցիալական ցանցերում (Facebook, Twitter, YouTube և այլն)

.պահպանել արտաքին կապը, մասնավորապես` ԶԼՄ-ների հետ, ներառյալ մամուլի հաղորդագրությունների մշակումը և տարածումը

.պատրաստել հաշվետվություններ«Շիրակ կենտրոնի» կողմից իրականացվող ծրագրերի մասին:

Պահանջվող որակավորումներ 

.բարձրագույն կրթություն

.գերազանց կազմակերպչական ունակություններ. պլանավորման հանձնարարությունների տրման ու համակարգման ունակություն

.գերազանց միջանձնային ունակություններ, այդ թվում` համբերատարություն, տակտի զգացում, լսելու պատրաստակամություն և հարգանք գործընկերների նկատմամբ

.պատրաստակամություն մասնակցելու մասնագիտական վերապատրաստման դասընթացների և ինքնակրթության գործընթացին

.համակարգչային հմտություններ (MS Office & Internet)

.հայերենի գերազանց , ռուսերեն, անգլերեն լեզուների լավ իմացություն

.ծանրաբեռնված պայմաններում աշխատելու կարողություն

.լրացուցիչ պարտականությունների ու արտահերթ աշխատանքի իրականացման պատրաստակամություն:

Դիմելու կարգ 

Մրցույթին մասնակցելու համար անհրաժեշտ է ուղարկել ինքնակենսագրականը (CV/Resume) և հետաքրքրության նամակը (Cover Letter) info@shirakcentre.org և shirakcentre@rambler.ru  էլեկտրոնային հասցեներով` նշելով «դիմում աշխատատեղի համար»:
Դիմորդներից մրցութային հանձաժողովի կողմից նախընտրելի 5-7 թեկնածուների համար «Շիրակ կենտրոնը» մինչև վերջնական որոշում կայացնելը կկազմակերպի ուսուցանող դասընթաց, որից հետո կկայացվի վերջնական որոշում:

Դիմումների ընդունման վերջնաժամկետ

Դիմումների ընդունման սկիզբն է 2012թ, հուլիսի 1-ը
 վերջնաժամկետն է 2012թ. հուլիսի 10-ը. ժ. 15:00-ն: