ՏԱՐԵԿԱՆ ԾՐԱԳՐԱՅԻՆ ՀԱՅՏԱՐԱՐՈՒԹՅՈՒՆ 2010-09-08   1582

ՓՈՔՐ ԴՐԱՄԱՇՆՈՐՀԱՅԻՆ ԾՐԱԳԻՐ
ԱՄՆ ՄԶԳ Հակակոռուպցիոն գործողության մոբիլիզացման ծրագիրը (ՀԳՄԾ), որն իրականացվում է Կասալս ենդ Ասոշիեյթս Ինք. (Կասալս) ընկերության կողմից, ընդունում է հայտադիմումներ Քաղաքացիական հասարակության կազմակերպություններից (ՔՀԿ)` հակակոռուպցիոն գործողության մոբիլիզացման նորարար ծրագրեր իրականացնելու համար: ՀԳՄԾ-ն փոքր դրամաշնորհներ կտրամադրի այն ՔՀԿ-ներին, որոնք կցուցադրեն արդեն ձևավորված կարողություն կոռուպցիայի դեմ պայքարի ծրագիր կամ բազմաբնույթ գործունեություն իրականացնելու հարցում: Հայտատուները պետք է ունենան համոզիչ կարողություններ ժողովրդավարական կառավարմանն ու այլ գործունեություններին առնչվող մեթոդաբանությունների կամ ծրագրերի իրականացման հարցում: Ընտրված հայտատուները պետք է ապահովեն գործունեության անհապաղ իրականացումը և կարճաժամկետ պայմաններում շոշափելի արդյունքների ձեռքբերումը: Ծրագրային դիմումները կդիտարկվեն այն դեպքում, եթե ծրագրային առաջարկը և հայեցակարգը ներկայացնում են նոր մոտեցումներ, նպատակաուղղված են կոնկրետ գործողությունների իրականացմանը և նախատեսում են հստակ ու շոշափելի ակնկալվող արդյունքներ,  ինչպես նաև ներգրավում են մեծ թվով քաղաքացիների և ապահովում գործունեության շարունակականությունը: Հայտադիմումները կդիտարկվեն (1) ծրագրերի և (2) միանգամյա միջոցառումների` աշխատաժողովների, հասարակական իրազեկման միջոցառումների և այլնի համար:

Սույն երրորդ Տարեկան ծրագրային հայտարարության համաձայն, ծրագրերի համար յուրաքանչյուր դրամաշնորհի ֆինանսավորման գումարը կարող է լինել
1,000,000 - 9,000,000 ՀՀ դրամի սահմանում: 1) Ծրագրերի և 2) միանգամյա միջոցառումների համար հայտադիմումները կարող եք ներկայացնել ցանկացած ժամանակ` Տարեկան ծրագրային հայտարարությունը թողարկելուց հետո հաջորդ 12 ամիսների ընթացքում: Հայտադիմումները կուսումնասիրվեն պարբերաբար: Ծրագրի նախատեսվող սկիզբը պետք է լինի ցանկացած ժամանակ` սկսած 2010թ. սեպտեմբերից:

ՀԳՄԾ-ն որոշակի քանակով դրամաշնորհներ կտրամադրի նաև այն ծրագրերին, որոնք անդրադառնում են մասնավոր, կրթության, առողջապահության ոլորտների և գենդերային բնույթ կրող կոռուպցիոն դեպքերին, հասարակական իրազեկության բարձրացմանը, և որոնք համապատասխանաբար իրականացվում են մասնագիտական ասոցիացիաների, երիտասարդական/ուսանողական ՀԿ-ների և կանանց հիմնախնդիրներով զբաղվող ՀԿ-ների կողմից:

Ողջունելի են այն ծրագրային առաջարկները, որոնք պաշտպանում կամ օժանդակում են համակարգային/ընթացակարգային փոփոխությունների/բարեփոխումների իրականացմանը` պետական և տեղական կառավարման մակարդակներում, կամ օժանդակում են
ՀՀ Կառավարության կողմից արդեն իսկ նախաձեռնված բարեփոխումների իրականացմանը:

Սույն Տարեկան ծրագրային հայտարարության շրջանակում կարող են դիմել
ոչ-առևտրային կարգավիճակ ունեցող հայաստանյան քաղաքացիական հասարակության կազմակերպությունները. դրանք են` հասարակական կազմակերպությունները, հիմնադրամները, իրավաբանական անձանց միությունները, մասնագիտական ասոցիացիաները, արհմիությունները, մամուլի հիմնախնդիրներով զբաղվող կազմակերպությունները, հանրակրթական կազմակերպությունները, գիտահետազոտական կենտրոնները և այլն: Որոշ հանգամանքների դեպքում` մասնավոր ընկերությունները ևս կարող են դիմել դրամաշնորհ ստանալու համար: Դրամաշնորհային բոլոր գործողությունները պետք է իրականացվեն Հայաստանում:

Տարեկան ծրագրային հայտարարության անգլերեն ամբողջական տարբերակը և դիմումի ձևերը կարող եք գտնել այստեղ` http://www.maac.am/aps.htm:

ՏԾՀ ծանոթացման նիստերի ժամանակացույցի համար խնդրում ենք այցելել նույն կայքէջը:

Հայտադիմումների ներկայացման կարգը

Հայտատուները պետք է ներկայացնեն դիմումի փաթեթի մեկ բնօրինակ և երկու պատճեն: Դիմորդները նաև ձայնասկավառակի վրա պետք է ներկայացնեն դիմումի փաթեթի էլեկտրոնային տարբերակը: Բոլոր փաստաթղթերը պետք է ներկայացվեն հետևյալ հասցեով`

ՀԳՄԾ Դրամաշնորհների ավագ ղեկավարին

Փոստային հասցե`

ՀՀ, ք. Երևան, 0009
Տերյան 105/1 («Ցիտադել» բիզնես կենտրոն), 804 սենյակ

ՏԾՀ-ի վերաբերյալ բոլոր հարցերը պետք է ուղղվեն ՀԳՄԾ Դրամաշնորհների ավագ ղեկավարին` phovhannisian@casals.com փոստային հասցեով:

ՀԳՄԾ-ի մասին

Հակակոռուպցիոն գործողության մոբիլիզացման ծրագրի (ՀԳՄԾ) հիմնական նպատակն է նվազեցնել կոռուպցիան հետևյալ կերպ` 1) Հայաստանի քաղաքացիների համար ստեղծել կոռուպցիայի դրսևորումների դեմ պայքարելու հնարավորություններ, 2) փոխել հասարակական կարծիքը, ինչպես նաև գործելակերպը երիտասարդների և մեծահասակների շրջանում` օգնելով նրանց ձևավորել կոռուպցիայի հետևանքների նկատմամբ համապատասխան վերաբերմունք և մեծացնել քաղաքացիների` կոռուպցիայի դեմ ընդվզման հավանականությունը, և 3) պայմաններ ստեղծել կոռուպցիայի կանխարգելման կամ նվազեցմանն ուղղված համակարգային փոփոխությունների համար:

ՀԳՄԾ-ն ԱՄՆ ՄԶԳ-ի հնգամյա ծրագիր է, որն իրականացվում է «Դայն Քորփ» միջազգային ընկերության Կասալս ենդ Ասոշիեյթս Ինք.-ի կողմից: