Մեդիան իրավապաշտպանների համար. գործիքներ եւ հմտություններ 2011-01-10   1812

Մամուլի աջակցության  «Ինտերնյուս» հասարակական կազմակերպությունը 2011թ-ի հունվարից սկսում է նոր մեդիայի ուսուցման դասընթացներ իրավապաշտպան ՀԿ-ների եւ քաղաքացիական ակտիվիստների համար։ Դասընթացները տեւելու են 5 օր եւ պարբերաբար անցկացվելու են ողջ տարվա ընթացքում:

Մասնակիցները կծանոթանան քաղաքացիական լրագրության առանձնահատկություններին, կպատրաստեն մուլտիմեդիա նյութեր, կնախագծեն իրազեկման եւ իրավունքների պաշտպանության արշավներ՝ կիրառելով նոր եւ ավանդական մեդիա տեխնոլոգիաները։ Դասընթացները վարելու են նոր մեդիայի եւ իրազեկման արշավների մասնագետներ, ներգրավված են լինելու լրագրողներ, իրավապաշտպաններ, փորձագետներ։

Առաջին երեք դասընթացները կանցկացվեն Երեւանում՝

26.01.11-30.01.11 – Քաղաքացիական լրագրություն եւ սոցիալական ցանցեր։

5.02.11-09.02.11 – Տեսանյութը որպես իրավունքի պաշտպանության գործիք։

26.02.11-02.03.11 – Նոր մեդիա գործիքներ տեղեկատվական արշավների համար։

 

Մասնակցելու համար անհրաժեշտ է լրացնել հայտ՝ նշելով նախընտրած դասընթացի անվանումը։ Խնդրում ենք՝  հայտում ներկայացնել կազմակերպության իրավապաշտպան գործունեության 1-2 կոնկրետ օրինակ եւ նշել, թե ինչ ծրագրերի եւ խնդիրների լուծման համար են հարկավոր նոր գիտելիքն ու հմտությունները:

Հայտից բացի՝ անհրաժեշտ է ներկայացնել երաշխավորագիր ՀԿ-ից, որտեղ նշված լինի, թե  կազմակերպության որ աշխատանքներում է մասնակիցը ներգրավված:

 

Մասնակիցներն ընտրվելու են մրցութային կարգով՝ ներկայացված հայտերի հիման վրա։ Հայտի ձեւը կարելի է վերցնել www.internews.am, http://www.facebook.com/pages/Internews-Armenia/151727788195624?v=wall&ref=sgm կայքերից։  Նշված 3 դասընթացների համար կարելի է դիմել միաժամանակ՝ մինչեւ 2011թ-ի հունվարի 20-ը։ Հայտերն ուղարկել training@internews.am, assistant@internews.am էլ. հասցեներով՝  նամակի թեմա /subject/  տողում լրացնելով` NGO Training բառերը։

Լրացուցիչ տեղեկությունների համար կարող եք դիմել Ինտերնյուս, Նարինե Սաֆարյանին։

Հասցեն՝  Երեւան, Արշակունյաց 3, 3-րդ հարկ։ Հեռ. 010 58 36 20:

Դասընթացներն անցկացվում են «Հասանելի դառնալ մարդկանց» իրավապաշտպան ՀԿ-ների հաղորդակցության ռեսուրսների զարգացման ծրագրի շրջանակում։ Ծրագիրն իրականացնում է Մամուլի աջակցության «Ինտերնյուս» ՀԿ-ն՝ ԱՄՆ պետդեպարտամենտի Ժողովրդավարության, մարդու իրավունքների եւ աշխատանքի բյուրոյի (DRL) աջակցությամբ։ DRL-ը նպաստում է ժողովրդավարության զարգացմանը, մարդու հիմնարար իրավունքների եւ աշխատանքի իրավունքի պաշտպանությանն ամբողջ աշխարհում։