Տնակային ավանների երեխաներին դուրս բերենք միապաղաղ ու տխուր միջավայրից 2016-10-25   3     in english

Գյումրիում դեռևս սփռված են տասնյակ դոմիկային ավաններ, ուր խարխուլ խրճիթներում , կիսաքանդ ու վթարային շենք-շինություններում անձրևներից ու ձյան հալոցքներից անպաշպան շարունակում են պատսպարված մնալ շուրջ երեք հազար ընտանիք: 1988-ի դեկտեմբերյան երկրաշարժի հետևանքները շարունակում  ճնշել, ինչն  առավել կործանարար  է երեխաների համար:

   «Շիրակ կենտրոնը» երկրաշարժի հերթական տարելիցի նախորեին, դեկտեմբերի 6-ին  տնակային ավաններում բնակվող ընտանիքների երեխաների համար կազմակերպելու  է ժամանցային միջոցառումներ:  Շուրջ 150 երեխաներ հնարավորություն կունենան  գոնե մի օր դուրս գալ միապաղաղ, տխուր միջավայրից և ճնշող մթնոլորտից:

Գյումրու և հարակից գյուղերի դոմիկներում, սոցիալապես ծանր պայմաններում բնակվող ընտանիքների երեխաները կհյուրընկալվեն     «Շիրակ կենտրոնի» հեքիաթային սրահում, ուր կկազմակերպվի հյուրասիրություն, տիկնիկային ներկայացում, միջոցառումների ավարտին նրանց կբաժանվեն նվերներ:

Միջոցառուման անցկացման համար անհրաժեշտ ծախսերը կկազմի 500 000 դրամ,  250 000 դրամ նվերներ  պատրաստելու և  բաժանելու համար:

Սահմանված բյուջեից ավել հանգանակված գումարները կծախսվեն անօթևան ընտանիքներին վառելափայտի ձեռք բերման նպատակով:

Հարգելի բարեկամներ եթե  ցանկանում եք աջակցել միջոցառման իրականացմանը, ապա  կարող եք դրամական նվիրատվություն կատարել հետևյալ հաշվեհամարներից որևէ մեկով: Ի դեպ նվիրատուներին ևս սիրով հրավիրում ենք մասնակցելու տնակային ավաններում բնակվող ընտանիքների երեխաների համար կազմակերպվելիք  միջոցառմանը:

Նվիրատվություններ կարող եք կատարել ստորև բերվող հաշվեհամարներից որևէ մեկին.

ARDSHINBANK CJSC,  GYUMRI BRANCH S.W.I.F.T CODE: ASHBAM 22XXX 7 

Հայաստան, Գյումրի, Գայի փող. Արդշինբանկ,
Հաշվեհամարներ`

ԱՄՆ $– 2472601614240020

ՀՀ դրամ - 2472601614240000

Եվրո -  2472603273480000

Գյումրի, Մ. Խորենացի 50/4, «Շիրակ կենտրոն» ՀԿ 
ՀՎՀՀ՝ 05532775

Նախաձեռնությանն միացել են.

1.Մարինե Անտոնյան բարեգործական հիմնադրամ

2.Narvik & Shake Perian - ԱՄՆ

3.Herman Hintiryan - ԱՄՆ

4. Vartan Nazarian - ԱՄՆ

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: