«Փարոս» ամերիկյան հիմնադրամը՝ տարվա նվիրատու 2018-11-01   69     

«Փարոս» ամերիկյան հիմնադրամը՝ տարվա նվիրատու

«Շիրակ կենտրոնը» երկրորդ տարին է Գյումրու անօթևան ու կարիքավոր ընտանիքներին, նրանց երեխաներին ու միայնակ տարեցներին զգալի աջակցության ցուցաբերած անհատներին և կազմակերպություններին «Տարվա նվիրատու» պատվավոր տիտղոս է շնորհում:

Շիրակի մարզի հեռավոր լեռնային գյուղերից բերված քարերով, կազմակերպության բակում կառուցված «Աղբյուր նվիրումի» պատին սեպագիր տառերով փորագրվում է պատվավոր տիտղոսին արժանացած անձանց կամ կազմակերպությունների անունները:
Խորհրդանշական պատին գրված է հետևյալ ուղերձը. «Նրանց հավատամքն է՝ օգնել կարոտյալներին, տանելի դարձնել կյանքը, ապահով օրերի մասին երազանքը՝ իրականություն...»:

Նկատի ունենալով վերջին տարիներին «Շիրակ կենտրոնի» գործընկերությամբ Գյումրու կարիքավորներին ձեռք մեկնելու և աղքատության դեմ պայքարի գործում զգալի ներդրում ունենալու փաստը, այսօր մեծարման և երախտագիտության արժանացավ Ամերիկյան «Փարոս» հիմնադրամը: 
Արարողությանը ներկա էին հիմնադրամի գործադիր տնօրեն Փիտեր Աբաջյանի ուղեկցությամբ, այս օրերին Հայաստանում գտնվող, հիմնադրամի նվիրատուների խումբը:

Վահան Թումասյան

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: