Աջակցություն ժամանակավոր կացարաններում բնակվող բազմազավակ ընտանիքներին և միայնակ տարեցներին 2018-04-05   8     in english

Աջակցություն ժամանակավոր կացարաններում բնակվող բազմազավակ ընտանիքներին և միայնակ տարեցներին

 «Շիրակ կենտրոնը», ավարտելով անօթևան ընտանիքներին ձմռան վառելիքի տրամադրման ամենամյա բարեգործական ձեռնարկը, նախաձեռնում է Գյումրու վագոն-տնակներում բնակվող բազմազավակ ընտանիքներին և միայնակ տարեցներին հասցեագրված բարեգործական նոր ձեռնարկ, որի ընթացքում նախատեսվում է դրամահավաքի միջոցով ձեռք բերված հիգիենիկ պարագաներ և սննդամթերք տրամադրել ժամանակավոր կացարաններում բնակվող անօթևան ընտանիքներին:

«Շիրակ կենտրոնի» ամենօրյա դիտարկումներն ու ուսումնասիրությունները ցույց են տալիս, որ վաղուց շարքից դուրս եկած խարխուլ ու խոնավ վագոն-տնակներում, ինչպես նաև կիսախարխուլ շենք-շինություններում պատսպարված հարյուրավոր ընտանիքներ զրկված են կոմունալ-կենցաղային և հիգիենիկ տարրական պայմաններից: Նրանցից շատերը գործազուրկ են, նրանց ապրուստի միակ միջոցը սոցիալական նպաստն է, հաշմանդամության թոշակը և կենսաթոշակները, որը չի բավարարում անգամ ծախսված էներգիայի վճարման և սննդի համար: Կարիքի մեջ գտնվող հարյուրավոր ընտանիքներում թերսնվածությունը սովորական երևույթ է:

Սոցիալապես ծանր պայմաններում բնակվող անօթևան ընտանիքների առօրյա հոգսերը փոքր-ինչ թեթևացնելուն է ուղղված մեր այս ձեռնարկը: Բարի կամքի տեր բոլոր մարդկանց և կազմակերպություններին կոչ ենք անում արձագանքել և այդ նպատակով կատարել իրենց նվիրատվությունները ստորև բերվող հաշվեհամարներից որևէ մեկին.

ARDSHINBANK CJSC, GYUMRI BRANCH S.W.I.F.T CODE:

ASHB AM 22XXX 7 Gay str. GYUMRI,

 REPUBLIC OF ARMENIA

USA – 2472601614240020,

 AMD - 2472601614240000,

 EUR – 2472603273480000,

 Հասցե՝ Գյումրի, Մ. Խորենացի 50/4,

 Հեռ. +(374 91) 45-13-37, +(374 55) 06-69-92

 «Շիրակ կենտրոն» ՀԿ

ՀՎՀՀ՝ 05532775

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: