Գյումրու տնակային ավանում բնակվող ևս մեկ պատանի տաղանդի մասին 2018-02-24   1096     

Գյումրու տնակային ավանում բնակվող ևս մեկ պատանի տաղանդի մասին

Շիրակ կենտրոնը» 1988-ի երկրաշարժի 30-րդ տարելիցին ընդառաջ նախաձեռնել է «Հրաշքները տնակներում» ծրագիրը` Գյումրու տնակաբնակ շնորհալի պատանիների ու նրանց ընտանիքների ապրելակերպի մասին: Պատանիներ, որոնք հնարավոր է՝ ապագայում լինելու են մեր նոր Մինասները, Համասյաններն ու Իսահակյանները:

Նշված նախաձեռնության շրջանակում այսօր ներկայացնում ենք բնատուր տաղանդի տեր ևս մեկ, նույնպես 14-ամյա պատանու մասին պատմող տեսանյութ: Գյումրու ամենամեծ, քաղաքի ծայրամասային տնակային ավաններից մեկում է բնակվում պատանի նկարչի` Հոբի բազմանդամ ընտանիքը: Պատանին թեև նկարչական դպրոց չի ավարտել, սակայն մի տարի է՝ մասնավոր պարապմունքների է գնում գյումրեցի ճանաչված նկարիչներից մեկի մոտ: Եվ այսօր արդեն նրա ստեղծագործությունները դիտելիս պարզապես անհնար է անտարբեր մնալ ու չհիանալ պատանի նկարչի տաղանդով:

 Հ. Գ. Այսօր պատանի նկարչի ընտանիքին հրաժեշտից առաջ մեր այն հարցին, թե ինչ կցանկանային «Շիրակ կենտրոնից», պատասխանեցին՝ միայն նկարչական պարագաներ, ներկեր և թուղթ: Առաջիկա օրերին մենք կրկին կայցելենք նրանց տուն ու մեր բազմաթիվ բարեգործական ծրագրերի հովանավորներ, ամերիկահայ բարերարներ Վարդան Նազարյանի և Հերման Խնդիրյանի աջակցությամբ կնվիրենք նկարչական անհրաժեշտ պիտույքներ:

Առավել մանրամասն` «Շիրակ կենտրոնի» պատրաստած տեսանյութում:

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: