Երեխաներին դպրոց ուղարկելու խնդրի առջև են կանգնած... 2017-06-23   196     

Երեխաներին դպրոց ուղարկելու խնդրի առջև են կանգնած...

Սոցիալապես ծանր պայմաններում բնակվող ընտանիքներն իրենց բնավորությամբ և նկարագրով սովորաբար տարբեր են լինում, բայց նրանց երեխաները՝ ոչ: 
Այսօր երկու բազմազավակ ընտանիքների այցելեցինք: Երկուսի դեպքում էլ երեխաներին օգնել է պետք, որ կարողանան մի փոքր նորմալ ապրել և դպրոց հաճախել: Այս լուսանկարներում ներկայացված ընտանիքի երեխաները մեծանում են առանց հոր: Երեխաներից մեծը դպրոցական տարիքի է, սակայն մայրը պայուսակ և հագուստ չունենալու պատճառաբանությամբ երեխային չի ուզում դպրոց ուղարկել: «Շիրակ կենտրոնը» այդ պատճառաբանության հարցը կլուծի, նաև հետամուտ կլինի, որպեսզի երեխան կանոնավոր դպրոց հաճախի, իսկ մյուս երկու տղաներն էլ՝ մանկապարտեզ: «Շիրակ կենտրոնը» «Հազար պայուսակ՝ հազար սոցիալապես անապահով ընտանիքների երեխաներին» http://shirakcentre.am/hy/program/2017/31/ ամենամյա բարեգործական ծրագրի շրջանակում երեխաներին գրենական պիտույքներով կօգնի:

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: