Վստահությունն է մեր ամենամեծ ձեռքբերումը 2017-04-10   256     

Վստահությունն է մեր ամենամեծ ձեռքբերումը

Այսօր, ևս մեկ հրաշք իրականություն դարձավ: «Շիրակ կենտրոնի» մասնակցությամբ բազմաթիվ անօթևան ընտանիքների, որտեղ նոր երեխա պետք է շուտով ծնվի, հատկացվեց նոր բնակարաններ:
Բարեբախտաբար անցած, աննախադեպ ցուրտ ձմռանը կարողացանք հարյուրավոր ընտանիքների բաժանել վառելափայտ, նրանցից շատերին, բառիս բուն իմաստով փրկելով ցրտահարությունից: Աննկարագրելի էին նաև ամանորյա միջոցառումները, հատկապես անօթևան միայնակ տարեցների մասնակցությամբ: Ասեմ, որ առաջիկայում ևս, բարի անակնկալների պակաս չենք զգա:
Հիմա ես չեմ ուզում պնդել, թե այս ամենը չէր լինի, եթե չլիներ «Շիրակ կենտրոնը», բայց մի բան հաստատ կարող եմ ասել, որ առնվազն այնպես կազմակերպված և թիրախային չէր լինի, ինչպես արվում է :
Իսկ որևէ մեկի մտքով հաստատ չեր էլ անցնում, թե ինչպես ենք կարողանում պահել այսպիսի ծավալի աշխատանքներ կատարող թիմն ու առհասարակ կազմակերպության բնականոն գործունեությունը: Ինչպես կարողացանք ընդամենը մի քանի ամիս առաջ փրկվել հարկային տեռորից ու լուծարումից…
Հիմա ասեմ, «Շիրակ կենտրոնը» փրկվեց ամերիկահայ բարերարաներ Vartan Nazarian-ի և Herman Hintiryan-ի օգնությամբ: Վարդան Նազարյանի ընտանիքի աջակցությամբ է ապահովվում «Շիրակ կենտրոնի» բնականոն գործունեությունը: 
Ի դեպ՝ Հերմանի և Ամերիկյան Փարոս հիմնադրամի կողմից բեռնատար և Վարդանի կողմից նվիրաբերած մարդատար մեքենաներով է, որ տասնյակ ընտանիքների բնակարանամուտն ենք կազմակերպում, տասնյակ դոմիկների քանդոցքի փայտն ու աղբը տեղափոխում, հարյուրավոր ընտանիքներ վառելափայտ բաժանում…
«Շիրակ կենտրոնի» անունից խորին երախտագիտություն եմ հայտնում մեր բոլոր գործընկերներին և բարեգործական ծրագրերի նվիրատուներին: 
Ձեր վստահությունն է մեր ամենամեծ ձեռքբերումը:

Վահան Թումասյան

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: