Աշխատանքային հանդիպման հրավեր 2013-11-29   553

«Քաղաքացիների մասնակցությունը որոշումների ընդունման գործընթացում տեղական մակարդակով»
Դեկտեմբերի 5, 2013
Գյումրու քաղաքապետարան, 3-րդ հարկ /նիստերի դահլիճ/
Վարդանանց հրապարակ 1,
Ժամը 10։30-15։00

Տեղական ժողովրդավարության գրասենյակների Միությունը (Ֆրանսիա) և «Տեղական ժողովրդավարության գրասենյակ» հիմնադրամը (Հայաստան) սիրով հրավիրում են Ձեզ մասնակցելու «Քաղաքացիների մասնակցությունը որոշումների ընդունման գործընթացում տեղական մակարդակով» թեմայով աշխատանքային հանդիպմանը։ Աշխատանքային հանդիպումը վարելու են Տեղական ժողովրդավարության գրասենյակների Միության (www.alda-europe.eu) տնօրեն Անտոնելլա Վալմորբիդան, «Ասպարեզ» լրագրողների ակումբի խորհրդի նախագահ Լևոն Բարսեղյանը և Արևելյան գործընկերության քաղաքացիական հասարակության Ֆորումի Հայաստանի ազգային պլատֆորմի ներկայացուցիչը։

Աշխատանքային հանդիպմանը կմասնակցեն քաղաքացիական հասարակության և տեղական իշխանությունների ներկայացուցիչները և քաղաքացիական ծառայողները։

«Տեղական ժողովրդավարության գրասենյակ» հիմնադրամը հիմնադրվել է 2011 թվականին Հայաստանի Գյումրի քաղաքում Տեղական ժողովրդավարության գրասենյակների Միության կողմից և գործում է տեղական ժողովրդավարության և քաղաքացիական մասնակցության ոլորտում։ «Տեղական ժողովրդավարության գրասենյակ» հիմնադրամի նպատակն է ծառայել որպես միջնորդ Հայաստանի տարբեր տեղական համայնքների և Եվրոպական գործընկերների համայքների միջև և լինել երկխոսությունների և փոխանակումների զարգացման վայր տարբեր մակարդակներում (մշակութային, սոցիալական և տնտեսական)։

Ակնկալում ենք բոլոր շահագրգիռ անձանց մասնակցությունն աշխատանքային հանդիպմանը։

Կայքի հոդվածների մասնակի կամ ամբողջական մեջբերումներ անելիս հղումը պարտադիր է: Հոդվածներում արտահայտված կարծիքները պարտադիր չէ, որ համընկնեն «Շիրակ կենտրոնի» տեսակետի հետ: Գովազդների բովանդակության համար կայքի խմբագրակազմը չի կրում պատասխանատվություն: